റിയാലിറ്റിഷോയുടെ പ്രേക്ഷകര്‍
സംഗീതമാകുന്ന സാഗരത്തില്‍ നിന്നും ഒരു തുള്ളി വെള്ളം പോലും കുടിച്ചിട്ടില്ലാത്തവര്‍, അതായത് ഒരു മൂളിപ്പാട്ടു കൂടി പാടാനറിയാത്തവര്‍ തീര്‍ച്ചയായും കണ്ടിരിക്കേണ്ട ഒരു പരിപാടിയാണ്, ഏഷ്യാനെറ്റിന്‍റെ ഐഡിയ സ്റ്റാര്‍സിംഗര്‍ .
സംഗീത സാഗരത്തിലെ തിരകളെണ്ണിയും, ആഴമളന്നും, അളവെടുത്തും, അടിത്തട്ടിലെ മണല്‍ത്തരികള്‍ വാരിയെടുത്ത് വിശകലനം ചെയ്തും വിധിനിര്‍ണ്ണയിക്കുന്ന വിധികര്‍ത്താക്കള്‍. കിട്ടുന്ന അവസരം മുതലെടുത്ത്, കൊടുക്കുന്ന കാശിനു നന്ദി കാണിച്ച്, അഭിപ്രായങ്ങളും, നിര്‍ദേശങ്ങളും, പ്രോല്‍സാഹനങ്ങളുമായി സെലിബ്രറ്റി ഗസ്റ്റുകള്‍.
വിധികര്‍ത്താക്കളെയും, ഗസ്റ്റുകളെയും, മല്‍സരാര്‍ത്ഥികളെയും കടത്തിവെട്ടുന്ന അവതാരിക.
ഒരു സൂപ്പര്‍ ലോട്ടോ അടിച്ചാല്‍ പോലും കിട്ടാത്തത്ര തുകയ്ക്കുള്ള സമ്മാനങ്ങള്‍.
പരസ്യങ്ങള്‍ക്കനുവദിച്ചിട്ടുള്ള നിശ്ചിത സമയത്തിനു ശേഷമുള്ള ഏതാനും മിനിറ്റുകളിലൂടെ, പ്രേക്ഷകരെ കോള്‍മയിര്‍ കൊള്ളിച്ചുകൊണ്ട് മുന്നേറുന്ന മല്‍സരാര്‍ത്ഥികള്‍ ഓരോ പ്രകടനത്തിനുശേഷവും, തത്തമ്മമാരായി, ഇങ്ങിനെ ഉരുവിട്ടുകൊണ്ടിരിക്കും: "നിങ്ങളുടെ സപ്പോര്‍ട്ട് ഉണ്ടെങ്കിലെ എനിക്കടുത്ത സ്റ്റേജില്‍ എത്താന്‍ പറ്റുകയുള്ളു, എനിക്ക് ഓട്ടുചെയ്യേണ്ട ഫോര്‍മാറ്റ് .............. പ്രകടനം കണ്ട് കോള്‍മയിര്‍ കൊള്ളുന്ന സാധാരണ പ്രേക്ഷകന്‍ കീശപൊള്ളുന്ന എസ് എം എസ് പരിപാടിക്കു നില്‍ക്കുമെന്നു തോന്നുന്നില്ല. എന്നലും പരിചയക്കരെക്കൊണ്ടും, അവരുടെ പരിചയക്കരെക്കൊണ്ടും, അവരുടെ, അവരുടെ........, അതുപോലെ ബന്ധുക്കളെക്കൊണ്ടും, അവരുടെ ബന്ധുക്കളെക്കൊണ്ടും, അവരുടെ, അവരുടെ........, അങ്ങിനെ തകര്‍ത്തയപ്പിക്കുന്ന എസ് എം എസ് വോട്ടുകള്‍.
പിന്നെ എന്തിനാണാവോ, സംഗീതം കലക്കികുടിച്ച കുറച്ചു വിദ്വാന്‍മാര്‍ അവിടെയിരുന്നു മാര്‍ക്കിടുന്നതെന്ന് സ്വാഭാവികമായും തോന്നാം.
ഓരോ ഭാഗം കഴിയുമ്പോള്‍ കുറച്ചുപേര്‍ പുറത്താകും, ഇതിന്‍റെ മാനദണ്ഡം വിധികര്‍ത്താക്കള്‍ നല്‍കുന്ന മാര്‍ക്കാണ്‌. ഈപുറത്താകുന്നവരില്‍ നിന്ന് ഒരാളെ അകത്താക്കനല്ലാതെ ഈ എസ് എം എസ് വോട്ട് ഉപയോഗിച്ചു കണ്ടിട്ടില്ല. അപ്പോ ഈ വൊട്ടുകൊണ്ടുള്ള ഗുണം, മല്‍സരാര്‍ത്ഥികള്‍ക്കോ? അതോ ചാനലിനും, മൊബൈല്‍ കമ്പനികള്‍ക്കുമാണോ?.
കഴിവുള്ള രണ്ടുപേര്‍ക്കല്ല, ഒരു പെണ്‍കുട്ടിക്കും, ഒരാണ്‍കുട്ടിക്കുമേ സമ്മാനം കൊടുക്കൂ. അങ്ങിനെ കലാശ പോരാട്ടത്തിനുമുന്‍പേ ഒരു സമ്മാനം ഉറപ്പിക്കപ്പേട്ടു. ഭാഗ്യം കൊണ്ട് അതു പ്രേക്ഷകര്‍ ആഗ്രഹിച്ച ആള്‍ക്കുകിട്ടി.
ഐഡിയ സ്റ്റാര്‍ സിംഗര്‍ ഗ്രാന്‍റ് ഫിനാലേ നടക്കുന്നു. പരിപാടികള്‍ ഗംഭീരമായി മുന്നേറുന്നു, മല്‍സരാര്‍ത്ഥികള്‍ പാടുന്നു, മല്‍സരാര്‍ത്ഥികള്‍ക്കു കിട്ടിക്കോണ്ടിരിക്കുന്ന എസ് എം എസ് വോട്ടുകള്‍ എത്രയെന്ന് അപ്പാപ്പോള്‍ കാണിച്ചുകൊണ്ടിരിക്കുന്നു.
അവസാനം ഫലപ്രഖ്യാപനം, ഇത്രനാളും റിക്കാര്‍ഡ് ചെയ്ത പ്രോഗ്രാമുകളാണ്‌ കാണിച്ചുകൊണ്ടിരുന്നതെങ്കിലും, റിക്കാര്‍ഡിങ്ങ് സമയത്ത് അവിടെ സന്നിഹിതരായിരുന്ന ആളുകളുടെ മുന്നില്‍ വച്ചാണ്‌ വിധികര്‍ത്താക്കള്‍ മാര്‍ക്ക് പ്രഖ്യാപിച്ചിരുന്നത്, എന്നാലിപ്പോള്‍ രഹസ്യമായിട്ട് ഒരു കടലാസില്‍ എഴുതിയിരിക്കുന്നു.
അവിടെ സന്നിഹിതരായിരിക്കുന്ന, മറ്റു സംഗീതപ്രതിഭകളുടെ മുന്നിലിരുന്നു മാര്‍ക്കിടാനുള്ള വിധികര്‍ത്താക്കളുടെ ചമ്മലാണോ, അതോ മാര്‍ക്ക് തീരുമാനിക്കുന്നത് വെറെ ആരോ ആണോ എന്തോ?.
ആദ്യ ഫലപ്രഖ്യാപനം: ആറാം സ്ഥാനം ജിന്‍സിന്. ജിന്‍സ് ഞെട്ടുന്നത് പ്രേക്ഷകര്‍ക്ക് വ്യക്തമായികാണാമായിരുന്നു. പക്ഷേ അതിലും ഭയങ്കരമായി പ്രേക്ഷകര്‍ ഞെട്ടി. ഇതിനു തൊട്ടുമുമ്പു വരെ സംപ്രേക്ഷണം ചെയ്ത എപ്പിസോഡുകളില്‍ നല്ല പ്രകടനം കാഴ്ചവച്ച, നല്ലമാര്‍ക്കുനേടിയ ആള്‍, ഇപ്പോഴത്തെ മാര്‍ക്കനുസരിച്ച് ആറാം സ്ഥാനത്ത്.
എസ് എം എസ് വോട്ടിങ്ങില്‍ ജിന്‍സ് മൂന്നാം സ്ഥാനത്തായിരുന്നു.
എന്താണ്‍ വിജയത്തിന്‍റെ മാനദണ്ഡം????
ഭാഗ്യത്തിന്` നന്നായി പാടിയിരുന്ന രാഹുലിന്‌ മൂന്നാം സ്ഥാനമെങ്കിലും കൊടുത്തു.
എസ് എം എസ് വോട്ടിങ്ങിലും, മാര്‍ക്കിലും ഒന്നും രണ്ടും സ്ഥാനങ്ങള്‍ കിറുക്രത്യം.
ഒരിക്കല്‍ മജീഷ്യന്‍ പ്രൊഫസര്‍ മുതുകാട്, വോട്ടെണ്ണുന്നതിനുമുമ്പ് സ്ഥാനാഥികള്‍ക്ക ലഭിച്ച വോട്ടുകള്‍ ക്രത്യമായി പ്രവചിച്ചതായി കേട്ടിട്ടുണ്ട്.
പലപ്രാവശ്യം പരാജയത്തിന്‍റെ പടിവാതില്‍ കണ്ടയാള്‍ ഇന്നെവിടെ??.
ദൈവമേ നിന്‍റെ മറിമായങ്ങള്‍!!
ഇനി അടുത്ത രംഗം, സമ്മാനദാനം.
ഒന്നാം സമ്മാനമായി പ്രഖ്യാപിച്ചിരുന്നത് ഒരുകോടിരൂപ വിലമതിക്കുന്ന ഒരു വില്ല തിരുവനന്തുപരത്ത് അല്ലെങ്കില്‍ അതെ വിലയുള്ള ഒരു ഫ്ലാറ്റ് ദുബായില്‍.
ന്യായമായും പ്രക്ഷകര്‍ കരുതുക, വിജയികള്‍ക്ക് എന്തുവേണമെന്ന് അവര്‍ വേദിയില്‍വച്ചു തീരുമാനിക്കും എന്നല്ലേ. പക്ഷേ ഒരു കോടി രൂപയുടെ ഫ്ലാറ്റുകള്‍ എന്നാണു പ്രഖ്യാപിക്കപ്പെട്ടത്.
അപ്പോള്‍ ആരെല്ലാമാണ്‌ വിജയികളെന്നും അവര്‍ക്ക് എന്താണു വേണ്ടതെന്നും നേരത്തെ തീരുമാനിക്കപ്പേട്ടിരുന്നോ?
ജിന്‍സിന്‍റെ ഞെട്ടല്‍ കാണുമ്പോള്‍ അത്യാവശ്യം വേണ്ടപ്പെട്ടവര്‍ക്കുമാത്രമെ കാര്യങ്ങള്‍ അറിയാമായിരുന്നുവുള്ളുവെന്നു തോന്നുന്നു.
ചിലപ്പോള്‍ സമ്മാനദാതാക്കള്‍ തന്നെ തീരുമാനിച്ചതാകും ഫ്ലാറ്റ് മതിയെന്ന്. ദുബായില്‍ റിയല്‍ എസ്റ്റേറ്റ് ബിസിനസെല്ലാം പൊളിഞിരിക്കുന്ന സമയമല്ലേ!.
ഈ പരിപാടിക്ക് ലക്ഷക്കണിക്കിനു പ്രേക്ഷകര്‍ ഉണ്ടായിരുന്നോ ഇല്ലയോ എന്നറിയില്ലെങ്കിലും, സംഗീതം ആസ്വദിക്കാന്‍ മാത്രമറിയുന്ന ആയിരക്കണക്കിന്‌ പ്രേക്ഷകര്‍ എല്ലാവര്‍ക്കും വേണ്ടി രാഹുലിനോടും, ജിന്‍സിനോടും ഷമ ചോദിച്ചുകൊള്ളുന്നു.
വാല്‍ക്കഷണം:
"മലയാളീ നീ വിഡിയാകുന്നു
നിനക്കുവേണ്ടി വിഡിപ്പേട്ടിയില്‍
ഞങ്ങള്‍ റിയാലിറ്റിഷോകളൊരുക്കും"

ഗാന്ധിജി

ഇസ്ലാമിനെക്കുറിച്ചും ഖുറാനെക്കുറിച്ചും അറിവുനേടിയപ്പോള്‍ മുഹമ്മദ്‌ പ്രവാചകന്റെ ജീവിതം ഗാന്ധിജിയെ ഏറെ സ്വാധീനിച്ചു. വിഗ്രഹാരാധനയെയും ഭോഗപരമായ ജീവിതത്തെയും മദ്യപാനത്തെയും പ്രവാചകന്‍ വിമര്‍ശിച്ചു. അദ്ദേഹം തന്റെ കുടുംബത്തിലാണ്‌ തന്റെ തത്വങ്ങള്‍ ആദ്യമായി പരീക്ഷിച്ചത്‌. ക്രിസ്തുമതത്തിലും യൂദായിസത്തിലും കടന്നുകൂടിയ കലര്‍പ്പുകള്‍ക്കുനേരെയുള്ള ഉയര്‍ത്തെഴുന്നേല്‍പായിട്ടാണ്‌ ഇസ്ലാമിന്റെ വരവിനെ ഗാന്ധിജി കണ്ടത്‌. പ്രവാചകന്‌ ദൈവത്തില്‍ അനന്തമായ വിശ്വാസമുണ്ടായിരുന്നു. ദൈവം നിങ്ങളുടെയുള്ളില്‍ ഉണ്ടെങ്കില്‍ നിങ്ങള്‍ ഒറ്റയ്ക്കല്ല എന്ന്‌ അദ്ദേഹം പ്രഖ്യാപിച്ചു. ഇസ്ലാം വാളിന്റെ മതമല്ല. ഇസ്ലാമിന്റെ വിജയം അതിന്റെ ലാളിത്യമാണ്‌. മനുഷ്യന്റെ ദൗര്‍ബല്യങ്ങളെ അത്‌ തിരിച്ചറിഞ്ഞു എന്നതിലാണ്‌. ഇസ്ലാം മതാചാരങ്ങളിലെ ഏറ്റവും ആകര്‍ഷണീയത ഗാന്ധിജി കണ്ടിരുന്നത്‌ ലോകത്തിലെ മറ്റേതൊരു മതവും ചെയ്യാത്തതുപോലെ ഇസ്ലാമിലേക്ക്‌ എത്തിയ എല്ലാറ്റിനെയും തുല്യമായി കണ്ടു എന്ന ആശയം.
അതുപോലെ ഉപവാസംപോലെയുള്ള ഇന്ദ്രിയനിഗ്രഹത്തിലൂടെ ആത്മീയപരിശുദ്ധി നേടുക എന്ന ഇസ്ലാംമതത്തിന്റെ ഉദ്ബോധനം അദ്ദേഹത്തെ സ്വാധീനിച്ചു. അത്‌ ഗാന്ധിജിയുടെ ജീവിതദര്‍ശനത്തിന്റെ ഭാഗമായി മാറി. സഹനം മനുഷ്യമോചനത്തിന്റെ അടിസ്ഥാനമാണെന്ന്‌ ഗാന്ധിജി കണ്ടു. ഇസ്ലാംമതം കരുത്ത്‌ നേടിയത്‌ വാളിന്റെ ശക്തികൊണ്ടല്ല, പ്രത്യുത ഇസ്ലാമിലെ ഫക്കീര്‍മാരുടെ ആത്മാഹൂതിയിലൂടെ മാത്രമാണ്‌ എന്നദ്ദേഹം വിശ്വസിച്ചു. ഇന്ന്‌ മതാചാരങ്ങളുടെ ഉപരിപ്ലവതയും അന്തസത്തയും തെറ്റായി പ്രചരിപ്പിക്കുന്ന മതാരാധകരുടെ സംഖ്യ വര്‍ദ്ധിച്ചുകൊണ്ടിരിക്കുകയും അവരുടെ സ്വാധീനം സാധാരണജനതയില്‍ തെറ്റായചിന്തകള്‍ വളര്‍ത്തുകയും ചെയ്യുമ്പോള്‍ ഗാന്ധിജിയുടെ സമീപനം മാത്രമാണ്‌ അനുകരണീയം.

എന്‍റെ ഹൃദയം നഷ്ടപെടലിന്‍റെ ധൂമപടലങ്ങള്‍-എന്‍റെ മിഴികളില്‍ ഇരുട്ടുപടര്‍ത്തിയിരിക്കുന്നു...നേടുവാനാശിച്ചു, കാവലിരുന്ന രത്നങ്ങള്‍-മറ്റാരോ സ്വന്തമാക്കിയാല്‍???എന്‍റെ സ്വപ്നങ്ങള്‍ക്കു നിറം പകര്‍ന്നനിന്‍റെ മുഖങ്ങള്‍ മാഞ്ഞു തുടങ്ങിയിരിക്കുന്നു...എന്തിനെന്നരിയാതെ, എന്‍റെ ഹൃദയം-എന്നെ വിട്ടൊഴിഞ്ഞിരിക്കുന്നു...നിന്‍റെ ഹൃദയ താളതിനൊത്തു പ്രപഞ്ച-മൊരുക്കാന്‍ എന്‍റെ രക്തം നിനക്കു നിഴലേകിയില്ലേ???കബന്ധങ്ങാളൊരുക്കുന്ന നിന്‍റെ കൌടില്യത്തിനു-എന്‍റെ മസ്തിഷ്കം പണയമേകിയില്ലേ...നിന്‍റെ വിരലുകള്‍കൊത്തു താളം ചവിട്ടാന്‍-ഞാന്‍ തോല്‍പ്പാവയായതും...എന്‍റെ മിഴിനീര്‍ മുത്തുകള്‍ക്കു-പുഞ്ചിരിയുടെ വര്‍ണ്ണമേകിയതും...

മറക്കുകില്ല കാലമേ മറക്കുകില്ല കാലമേ, കടന്നു പോയ നാളുകള്‍ ഞാന്‍. എരിയുന്ന തീ നാളം പോലെ, മനസ്സില്‍ നിറയുമാമെന്‍ മൌന നൊമ്പരങ്ങളെ.. അറിയാതെയായി എന്‍ മനസ്സും എന്‍ ആത്മ നൊമ്പരങ്ങളെ.. അറിയുന്നു ഞാന്‍, എന്‍ ഹൃദയവും എന്‍ നൊമ്പരങ്ങള്‍ക്കു മുന്‍പില്‍ വാചാലമായിടുന്നു എന്ന്.. ഇടറുന്ന സ്വരത്തോടെ എന്‍ മനസ്സും ചൊല്ലിടുന്നു, നിന്നോട് ചേരുവാന്‍ എന്‍ മൌന നൊമ്പരങ്ങളെ അനുവദിക്കുക.. തെളിയട്ടെ ഇനിയൊരു ജന്മത്തില്‍ നെയ്തിരിയായി ഈ മണ്ണില്‍ എന്‍ ജീവിതം. ഉണരട്ടെ എന്‍ ചിന്തകള്‍ , മനുഷ്യ മനസ്സുകളില്‍ പ്രകാശത്തിന്‍ കണികകള്‍ വിതറിടട്ടെ എന്നെന്നും"...!!

പ്രണയം.

മഴവില്ല് വിരിഞ്ഞു നില്‍ക്കുന്ന ആകാശം കാണാന്‍ എത്ര മനോഹരമാണ്. മനസ്സ് പ്രണയം വന്ന് നിറയുമ്പോള്‍ എല്ലാവരുടെയും ജീവിതവും വര്‍ണ്ണങ്ങള്‍ നിറഞ്ഞതാകുന്നില്ലെ? പൂവായി വിരിഞ്ഞ കണ്ണുകള്‍ക്ക് ,ഹംസഗാ‍നമായ കാതുകള്‍ക്ക് ,കുളിര്‍ തന്നലായി മാറി മനസ്സ്. , രഗോത്സവമായി മാറി പ്രണയം . മഴവില്ല് മാഞ്ഞു പോകുന്ന പോലെ , ഒരു വാക്ക് പോലും പറയാതെ ,ഒരിറ്റ് കണ്ണീര്‍ പോലും ഇറ്റാതെ ,ജീവിതത്തില്‍ നിന്ന് തന്നെ പ്രണയിനി മാഞ്ഞു പോകുമ്പോള്‍ ......വര്‍ണ്ണങ്ങള്‍‍ വിരിച്ച് , മനസ്സ് ഒരു മഴവില്ലായി , വിരിഞ്ഞു നില്‍ക്കാന്‍ ആശിക്കയല്ലാതെ , പോകരുതെ എന്നു പറയാനല്ലാതെ ,ഓര്‍മ്മകളിലൂടെ വിരിഞ്ഞു നില്‍ക്ക തന്നെ ചെയ്യും . പ്രണയം.

A very hearty welcome to my web pag....ഈ ഭൂമിയില്‍...ഒരു പുഴ പോലെ...ചിലപ്പോള്‍ ‍വറ്റിവരണ്ടും....ചിലപ്പോള്‍ ‍നിറഞ്ഞു കവിഞ്ഞും...മറ്റുചിലപ്പോള്‍ ‍കാറ്റിന്റെ കൈകളില്‍ ഊഞ്ഞാലാടിയും...അങ്ങിനെ ഒഴുകിനീങ്ങുന്ന ജീവിതം .....പൂക്കളെയും പുഴകളെയും, മഴയേയും മരങ്ങളെയും ..ഒരുപാടിഷ്ട്ടപ്പെടുന്ന ഒരു പാവം പയ്യന്‍ഞാന്‍ ഇവിടെ... വസന്തം പോലെ ഒരു സന്ധ്യയെ പോലെ.........നിലാവില്‍ പൂക്കും കണിമുല്ലയെ പോലെ........വാക്കുകള്‍ക്ക്‌ വരച്ചു കാണിക്കാന്‍കഴിയാത്ത സൗഹൃദത്തിന്‌, മിഴികള്‍ക്കു മറച്ചു പിടിക്കാന്‍ കഴിയാത്ത കണ്ണുനീര്‍ തുള്ളികള്‍ക്ക്‌, ജന്മാന്തരങ്ങള്‍ക്കപ്പുറത്ത്‌ പ്രതീക്ഷയോടെ കാത്തിരിക്കുന്ന പുനര്‍ജന്മത്തിന്‌, വിങ്ങലുകളില്ലാതെ കണ്ണീരില്ലാതെ പുഞ്ചിരിയില്‍ പൊതിഞ്ഞെടുത്ത വേര്‍പാടിന്‌, കണ്ണില്‍ നിന്നും കണ്ണിലേക്കും,കരളില്‍ നിന്നും കരളിലേക്കും ഒഴുകിയിരുന്ന സ്നേഹ പ്രവാഹത്തിന്റെ ഓര്‍മക്കായ്‌....ഒരിക്കലും ഓര്‍ത്തെടുക്കാന്‍ അരുതാത്ത ഓര്‍മക്കായ്‌ മനസ്സിലായവര്‍ക്കും,മനസ്സിലാകാത്തവര്‍ക്കും,പ്രശംസിച്ചവര്‍ക്കും വിമര്‍ശിച്ചവര്‍ക്കും ഇനി വരാനിരിക്കുന്നവര്ക്കും വായിക്കാനിരിക്കുന്നവര്‍ക്കും എന്റെ ലോകത്തിലേക്കു സ്വാഗതം !!നാട്ടുമാവിന്‍ ചുവട്ടിലെ കണ്ണിമാങ്ങകള്‍ പെറുക്കിയും പൂപറിച്ചും പൂപ്പാടകള്‍ പെറുക്കിയും നടന്നിരുന്ന കാലം ഇനി ഒരിക്കലും എന്നെ തേടിവരാത്ത എന്‍റെ ബാല്യം, ദശാബ്ദങ്ങള്‍ പലതുകഴിഞ്ഞെങ്കിലും ഇന്നും മറക്കാത്ത ആ ബാല്യം.!! ആ നീലിമയില്‍ അറിയാതെ അലിഞ്ഞുഇല്ലാതാകുന്നുവോ ഞാന്‍... പ്രിയമാര്‍ന്ന ആ യാമത്തിലേക്ക് ഞാന്‍ അലിയുകയാണൊ...സ്വപ്നങ്ങള്‍ പൂക്കുന്ന ആ കളിയരങ്ങില്‍ ഒരിക്കല്‍ കൂടെ എത്താന്‍ കഴിയുമായിരുന്നെങ്കില്‍...............എന്ന്,നിങ്ങളുടെ സ്വന്തം സഹോദരന്‍. എം അബ്ദുല്‍ റഹിമാന്‍ ബാങ്കോട്